Një zjarr i madh shpërtheu sot në Trubarevë, duke përfshirë ambientet e kompanisë F-GRUPACIJA, e cila merret me riciklimin e mbetjeve elektronike. Zjarri, i cili është i dukshëm nga i gjithë Shkupi, po shkakton shqetësime të mëdha.

Autoritetet fillimisht raportuan se zjarri ishte në “Nula Otpad”, por më vonë e korrigjuan informacionin, duke theksuar se ambientet e saj nuk ishin prekur.

Ende nuk ka informacione për të lënduar ose për shtrirjen e dëmit. Megjithatë, pamjet tregojnë një zjarr intensiv që po luftohet nga toka dhe ajri.

Shërbimet e zjarrfikëses po punojnë intensivisht për të vënë situatën nën kontroll.