Nga 3 maji, Wizz Air do të rifillojë fluturimet nga Shkupi drejt Barcelonës dhe Lionit, falë subvencioneve nga Qeveria. Fluturimet drejt Barcelonës do të operohen dy herë në javë, të martave dhe të shtunave, ndërsa ato drejt Lionit do të realizohen tre herë në javë, të martave, të enjteve dhe të shtunave.

Fluturimi i parë nga Shkupi drejt Barcelonës pas një ndërprerjeje trevjeçare do të zhvillohet të shtunën në orën 18:50.

Për të festuar rifillimin e këtij rrugëtimi, dy pasagjerë do të marrin bileta falas përmes një përzgjedhjeje në rrjetet sociale të TAV Maqedoni dhe Wizz Air.

Një risi është lidhja e Aeroportit Ndërkombëtar të Shkupit me Lionin, Francë, një qytet i mbrojtur nga UNESCO.

Megjithatë, fluturimi Shkup – Dubai, i cili ishte planifikuar të niste në fund të marsit, është shtyrë për në vjeshtë.