VMRO-DPMNE ka akuzuar ashpër SDS dhe Zoran Zaevin për mbrojtje të krimit dhe bandave kriminale gjatë shtatë viteve të fundit. Sipas partisë opozitare, SDS, Zaev dhe Spasovski u kanë dhënë pasaporta kriminelëve nga e gjithë bota, përfshirë anëtarë të klaneve Skaljarski dhe Kavački, duke shkaktuar vjedhje dhe vrasje pa përgjegjësi.

VMRO-DPMNE ka pyetur nëse deklarata e Filipçes për të mësuar nga Zaev nënkupton bashkëpunim dhe mbrojtje të klaneve kriminale, duke e krahasuar situatën në Shkup gjatë kohës së SDS me Perëndimin e Egër, me vrasje dhe incidente mafioze në mes të ditës.

Nga VMRO-DPMNE shtojnë se klanet kriminale dhe bosët e drogës nga rajoni kanë kryer krime për vite me radhë falë SDS dhe Zaev, të cilët u kanë dhënë pasaporta maqedonase. Ata theksojnë se me pasaportat maqedonase kryhen vrasje, trafikohet drogë dhe kryhen krime të organizuara, duke dëmtuar reputacionin e vendit.

VMRO-DPMNE pretendon se 215 bosë droge janë të lirë nëpër botë dhe kryejnë krime falë Zaevit dhe SDS. Ata akuzojnë Zaevin dhe Spasovskin për tregti me identitete të huaja dhe lëshimin e pasaportave të falsifikuara maqedonase për të huaj, klane, bosë droge dhe vrasës.

Partia opozitare akuzon se SDS dhe Zaev kanë poshtëruar shtetin dhe kanë shkelur dinjitetin e qytetarëve maqedonas, ndërsa shprehin shqetësimin se Filipçe mund të ndjekë të njëjtën rrugë për interesa të mëdha fitimprurëse.

Në fund, VMRO-DPMNE thekson se qeveria e udhëhequr nga ata mbetet e përkushtuar për të mbrojtur stabilitetin, sigurinë, simbolet shtetërore dhe dinjitetin e qytetarëve, duke e cilësuar SDS si sinonim të tradhtisë, paaftësisë dhe krimit.