Dy vjedhje të ndodhura në kisha në zonat e Sopishtës dhe Qendrës së Shkupit janë raportuar në Sektorin për Punë të Brendshme në Shkup (SPB Shkup).

Sipas raportit të SPB Shkup, dje në orën 09:00, është raportuar se midis datave 18 dhe 19 maj 2025, në një kishë në fshatin Sopishtë, Shkup, duke përdorur forcë fizike dhe mjete të përshtatshme, janë vjedhur sende të ndryshme dhe një kambanë nga kambanorja.

Një tjetër rast u raportua sot në orën 10:00 në SPB Shkup, duke bërë të ditur se më 18 maj 2025, midis orës 17:00 dhe 17:45, një send është vjedhur nga një ndërtesë brenda ambienteve të një kishe në zonën e Qendrës së Shkupit, duke përdorur forcë fizike dhe mjete të përshtatshme.

Ministria e Punëve të Brendshme ka njoftuar se po ndërmerren masa për zbardhjen e rasteve.