Pesë shtetas të huaj janë ndaluar nga policia në një lokal në rrugën Tetovë-Gostivar, për shkak të shkeljes së kushteve të qëndrimit të tyre turistik në vend. Sipas Ministrisë së Punëve të Brendshme, aksioni i kontrollit është zhvilluar nga Sektori për Punë të Brendshme Tetovë gjatë orëve të vona të natës.

Gjatë kontrollit të lokalit, policia ka konstatuar se pesë shtetas të huaj, nga Ukraina, Serbia dhe Shqipëria, në moshën 28 deri në 37 vjeç, po qëndronin në vend në mënyrë të paligjshme, duke shkelur qëllimin e qëndrimit të tyre turistik.

Të ndaluarit janë shoqëruar në stacionin policor, ku do të vazhdojnë procedurat e mëtejshme ndaj tyre.