Tre persona nga Manastiri u arrestuan dje në fshatin Llavcë pranë qytetit, pas një kontrolli në shtëpinë e njërit prej tyre, ku u gjetën lëndë narkotike dhe pajisje të tjera.

Policia njoftoi se M.K. (33 vjeç), D.P. (38 vjeç) dhe D.M. (36 vjeç), të gjithë nga Manastiri, u arrestuan nga Sektori i Punëve të Brendshme të Manastirit.

Gjatë kontrollit në shtëpinë e M.K. në Llavcë, me urdhër të gjykatës, ku ishin të pranishëm edhe D.P. dhe D.M., u gjet dhe sekuestrua një sërë provash. Në mesin e tyre ishte një peshore dixhitale me gjurmë marijuane, fara kanabisi, 41 kavanoza qelqi me material fungal të mbirë, kavanoza, shishe dhe shiringa të mbushura me lëng, vazo të improvizuara me bimë kanabisi dhe sende të tjera të dyshuara si rrjedhojë e një vepre penale.

Pas dokumentimit të plotë të rastit, ndaj personave të arrestuar do të ngrihen akuza përkatëse.