Ministri i Punëve të Jashtme dhe Tregtisë së Jashtme, Timço Muçunski, zhvilloi sot takime të ndara me të Ngarkuarin me Punë të Ambasadës së Katarit në Shkup, Sheikh Jassim bin Hamad Al Thani, dhe Ambasadorin e Republikës së Kazakistanit në Shkup, Satibaldi Burshakov. Në të dy takimet u theksua rëndësia e thellimit të marrëdhënieve ekonomike dhe tregtare si dhe forcimi i bashkëpunimit dypalësh.

Në takimin me Sheikh Jassim bin Hamad Al Thani, u konfirmuan marrëdhëniet tradicionale të mira dhe miqësore midis dy vendeve. Palët shprehën angazhimin e përbashkët për të dinamizuar dialogun politik dhe shkëmbimin e vizitave të nivelit të lartë. U theksua nevoja për të thelluar marrëdhëniet ekonomike dhe tregtare, si dhe për të rritur vëllimin e investimeve të drejtpërdrejta nga Katari në vendin tonë.

Në takimin me Satibaldi Burshakov, u theksua se marrëdhëniet dypalëshe midis dy vendeve janë të mira, duke theksuar nevojën për thellimin e tyre të mëtejshëm, veçanërisht në fushën ekonomike, si dhe forcimin e bashkëpunimit të përgjithshëm dypalësh në të ardhmen. U shpreh gjithashtu kënaqësi e përbashkët me bashkëpunimin e shkëlqyer deri më tani në nivel multilateral dhe mbështetjen e ndërsjellë për kandidaturat brenda organizatave ndërkombëtare. Ministri Muçunski dhe Ambasadori Burshakov shkëmbyen gjithashtu mendime mbi çështje të tjera aktuale me interes të përbashkët, duke shprehur besimin se bashkëpunimi i mirë midis dy vendeve do të vazhdojë me intensitet të shtuar.