Sektori për Punë të Brendshme në Shtip ka ngritur padi penale ndaj 22-vjeçares L.S. nga Makedonska Kamenica për shkak të dyshimeve të bazuara se ka kryer veprat penale të “lëndimit trupor” dhe “rrezikimit të sigurisë”.

Sipas informacioneve, incidenti ka ndodhur më 27 prill 2025, në banesën familjare.

Raportohet se e dyshuara ka sulmuar fizikisht vjehrrën, kunatën dhe bashkëshortin e saj.

Më tej, L.S. ka tentuar të sulmojë bashkëshortin e saj me një mjet të mprehtë.

Ky rast po hetohet nga autoritetet kompetente për të zbardhur plotësisht rrethanat e ngjarjes dhe për të ndjekur procedurat e mëtejshme ligjore.