Sindikata e Pavarur e Policisë do të mbajë sot një protestë në kryqëzimin Mavrovka pranë gjykatave, duke filluar nga ora 12:00. Protesta vjen si reagim ndaj mos harmonizimit të praktikave gjyqësore dhe kërkesave për rritje pagash.

Kërkesa kryesore e sindikatës është që paga bazë e policisë të mos jetë më e ulët se paga minimale në vend. Aktualisht, paga e policisë përbëhet nga një pagë bazë dhe një shtesë prej 30%.

Sindikata kërkon gjithashtu harmonizimin e praktikës gjyqësore të Gjykatës së Apelit të Shkupit me Gjykatat e Apelit të Manastirit dhe Gostivarit, të cilat, sipas tyre, konfirmojnë kërkesat e tyre.

Protesta do të fillojë përpara gjykatave, ku do të mbahen fjalime të shkurtra, dhe më pas protestuesit do të vazhdojnë në këmbë drejt Këshillit Gjyqësor.

Një konferencë shtypi është planifikuar gjithashtu në vendin e protestës, në kryqëzimin Mavrovka, në orën 12:15.