Një 35-vjeçar nga fshati Radolishtë i Strugës është arrestuar në fshatin Jankovec të Resnjës pasi u kap duke drejtuar automjetin nën ndikimin e alkoolit. Sipas policisë, M.E. u ndalua nga oficerët e policisë së Resnjës për Sigurinë e Trafikut Rrugor rreth orës 01:10 të mëngjesit.

Gjatë kontrollit, automjeti i tij “Audi” me targa të Strugës u ndalua dhe pas verifikimeve u konstatua se ai kishte 1.56 promila alkool në gjak.

M.E. u përjashtua menjëherë nga trafiku. Pas dokumentimit të plotë të rastit, ndaj tij do të ngrihet padi sipas nenit 297-a të Kodit Penal – “rrezikim i rëndë i sigurisë publike”.