Një 50-vjeçar nga fshati Dolna Banjica e Gostivarit është arrestuar sot nga policia e Gostivarit pasi u kap duke drejtuar automjetin në gjendje të dehur.

Sipas policisë, I.F. u ndalua në rrugën “Zhivko Brajkovski” në Gostivar, ndërsa drejtonte një automjet “Skoda” me targa të Gostivarit.

Gjatë kontrollit, u konstatua se I.F. kishte 2.17 promila alkool në gjak.

Ai është përjashtuar nga qarkullimi dhe ndodhet në mbajtje në stacionin policor. Pas dokumentimit të plotë të rastit, kundër tij do të ngrihet kallëzim penal për veprën penale “rrezikim i trafikut” sipas nenit 297-a të Kodit Penal.