Një 25-vjeçar nga Rosomani, me iniciale V.S., u arrestua në orët e para të mëngjesit të së shtunës në Kavadar pasi goditi një shtyllë ndriçuese me makinën e tij. Policia konfirmoi se ngjarja ndodhi rreth orës 02:00 në rrugën “Strasho Pindzur”.

Sipas Ministrisë së Punëve të Brendshme, V.S., duke drejtuar një automjet “Mercedes” me targa të Kavadarcit, humbi kontrollin dhe u përplas me shtyllën.

Gjatë kontrollit të kryer nga oficerët e policisë, u konstatua se shoferi ishte nën ndikimin e alkoolit. Testi i alkoolit tregoi 1.59 promil alkool në gjakun e tij.

“Shoferi u përjashtua menjëherë nga trafiku dhe u ndalua në stacionin policor të Kavadarcit,” njoftoi policia.

Pas kompletimit të dokumentacionit të rastit, ndaj tij do të ngrihet kallëzim penal sipas nenit 297-a të Kodit Penal, për “vozitje të pakujdesshme”.