Shkëndija e Tetovës, kampione e Maqedonisë së Veriut, do të fillojë rrugëtimin në kualifikimet e Ligës së Kampionëve në raundin e parë. Shorti për raundin e parë dhe të dytë kualifikues do të hidhet më 17 qershor në Nyon, Zvicër.

Për shkak të koeficientit të ulët, Shkëndija do të jetë në grupin e skuadrave jo favorite, duke e bërë më të vështirë gjetjen e një kundërshtari të lehtë.

Sipas listës së publikuar nga UEFA, katër ekipe konsiderohen si kundërshtarë të padëshirueshëm për Shkëndijën në raundin e parë: Ludogorets (Bullgari), FCSB (Rumani), Malmö (Suedi) dhe Olimpija (Slloveni).

Ndeshjet e raundit të parë do të luhen më 8 ose 9 korrik, ndërsa ndeshjet e kthimit më 15 ose 16 korrik.