Dy persona nga Prilepi janë arrestuar dje nga policia në Demir Hisar nën dyshimin se kanë shkaktuar zjarr në deponinë e qytetit. S.F., 28 vjeç dhe A.S., 48 vjeç, u ndaluan nga oficerët e policisë së Departamentit të Policisë së Demir Hisarit.

Ata dyshohen për kryerjen e veprës penale “shkaktim i rrezikut publik” sipas nenit 288 të Kodit Penal. Gjatë kontrollit, policia gjeti tek ata sende që dyshohet se janë përdorur për të ndezur zjarrin.

Policia ka njoftuar se pas dokumentimit të plotë të rastit, kundër tyre do të ngrihet kallëzim penal. Hetimet po vazhdojnë për të zbardhur motivet dhe rrethanat e plota të ngjarjes.