LSDM e ka cilësuar si farsë hetimin e tragjedisë në Koçan, duke kritikuar arrestimin e ish-oficerëve të policisë. Sipas tyre, kjo tregon selektivitet në hetimin e ngjarjes.

Partia thekson se, në vend që të ketë drejtësi, publiku po sheh se si nën drejtimin e Toshkovskit, hetimi për tragjedinë më të madhe në Maqedoni po kthehet në një farsë të turpshme dhe të papranueshme.

LSDM pyet se si është e mundur që 30 ditë pas tragjedisë, fajin të kërkojnë vetëm tek ata oficerë policie për periudhën nga 2012 deri në 2022, e jo për ata aktualë. Ata pyesin gjithashtu se si nuk u gjet asnjë person fajtor midis shefave dhe zyrtarëve aktualë të Ministrisë së Punëve të Brendshme, të cilët ishin drejtpërdrejt përgjegjës për sigurinë e qytetarëve natën fatale të 16 marsit 2024.

SDSM pyet pse nuk është arrestuar shefi i policisë kriminale në Koçan, Tomo Donev, dhe pse nuk është përfshirë as shefja e OVR Koçan, Marija Cvetkovska Manevska.

Partia thekson se nuk janë përfshirë në hetim as shefi i SVR Shtip dhe as shefi i policisë kriminale në Shtip. Sipas tyre, kjo është poshtërim i drejtësisë dhe mbrojtje selektive e zyrtarëve afër Toshkovskit dhe DPMNE-së.

SDSM kërkon dorëheqjen e Toshkovskit në mënyrë që hetimi të vazhdojë në mënyrë joselektive. Përndryshe, sipas SDSM-së, qytetarët do të humbasin plotësisht besimin se do të ketë drejtësi të vërtetë për tragjedinë e madhe.