Shkup – LSDM akuzon VMRO-DPMNE për përhapjen e gënjeshtrave në lidhje me shkaktarët e zjarreve që kanë përfshirë vendin. Sipas LSDM-së, VMRO-DPMNE po përpiqet të shpërqendrojë opinionin publik nga përgjegjësia e tyre për situatën e krijuar.

Partia thekson se akuzat e VMRO-DPMNE ndaj një personi që pretendohet të ketë qenë shoferi i Zoran Zaev-it janë të pavërteta. LSDM sqaron se personi i përmendur nuk ka qenë kurrë shofer personal apo truprojë e Zaev-it.

Sipas LSDM-së, VMRO-DPMNE dhe Mickoski janë fajtorët kryesorë për situatën e krijuar, për shkak të inkompetencës së tyre. Ata akuzojnë VMRO-DPMNE se nuk ka as mjete, as pajisje, as zjarrfikës dhe as avionë të mjaftueshëm për të përballuar situatën.

LSDM thekson se mbi 20% e territorit të vendit është djegur nga zjarret.

Partia akuzon VMRO-DPMNE se po shpenzon para publike për ushqime luksoze, fruta ekzotike dhe udhëtime private, ndërkohë që qytetarët po luftojnë me zjarrin me kova dhe lopata. Sipas LSDM-së, qeveria e VMRO-DPMNE po shpenzon miliona për telefona, por nuk ka para për të shpëtuar jetë dhe prona.