Fluks i madh automjetesh ka shkaktuar pritje të gjata në disa vendkalime kufitare të Maqedonisë së Veriut, veçanërisht në Tabanovce dhe Pelince, ku kohët e pritjes arrijnë deri në 45 minuta. Në Bogorodica, udhëtarët presin rreth 30 minuta për të dalë nga vendi.

Shoqata Auto Moto e Maqedonisë (AMSM) raporton se trafiku në rrugët shtetërore është i rrjedhshëm dhe i thatë, por bën thirrje për kujdes të shtuar për shkak të frekuencës së lartë të trafikut, veçanërisht në zonat malore dhe pranë lumenjve.

Kujdes i veçantë nevojitet në segmentet Katlanovo – Veles, Mavrovo – Debar – Strugë, Vinica – Berovo dhe Koçan – Delçevo, ku ekziston rreziku i rrëshqitjeve të dheut. AMSM u bën thirrje të gjithë pjesëmarrësve në trafik të përshtatin shpejtësinë me kushtet e rrugës dhe të respektojnë sinjalistikën rrugore.

Intensiteti më i madh i trafikut vërehet drejt dhe nga Serbia dhe Greqia. Pritet një rritje e mëtejshme e trafikut gjatë fundjavës, me afrimin e një vale të re të nisjeve dhe kthimeve nga pushimet.