Kryqi i Kuq ka njoftuar se janë mbledhur mbi dy milionë euro nga apeli për ndihmë për të lënduarit dhe familjet e të vrarëve në zjarrin e diskotekës “Puls” në Koçan, i cili ndodhi më 16 mars dhe shkaktoi 62 viktima dhe mbi 100 të lënduar.

Sipas Kryqit të Kuq të RMV, deri më 17 prill 2025, janë mbledhur 128,011,651.00 denarë për viktimat e zjarrit në Koçan.

Kryqi i Kuq ka transferuar fonde për 62 familjet e të vdekurve. Deri më tani, janë paguar gjithsej 86,100,000 denarë për familjet e prekura.

Kryqi i Kuq, së bashku me partnerët e tij, vazhdon të ofrojë mbështetje psikosociale dhe ndihma të tjera për popullatën e prekur.