Ministria e Shëndetësisë njofton se sot janë kthyer edhe pesë pacientë të tjerë nga trajtimi në Serbi, të lënduar në tragjedinë në Koçan. Aktualisht, 33 pacientë vazhdojnë të jenë të hospitalizuar jashtë vendit, ndërsa tre të tjerë po trajtohen brenda vendit.

Sipas protokollit, pas kthimit nga Serbia, tre pacientë do të jenë nën vëzhgim në Klinikën e Kirurgjisë Plastike, një pacient në Klinikën Kirurgjike “Shën Naum Ohridski”, dhe një pacient do të vazhdojë trajtimin në klinikën private “Zhan Mitrev” me kërkesën e tij.

Në vend, një pacient po trajtohet në Klinikën Kirurgjike “Shën Naum Ohridski” dhe dy pacientë në spitalin privat “Sistina”.

Për nesër është paralajmëruar kthimi i një pacienti tjetër nga Belgjika, i cili gjithashtu do të jetë nën vëzhgim në Klinikën e Kirurgjisë Plastike.