Një 27-vjeçar nga fshati Jankovec i Resnjës është arrestuar pasi u kap duke drejtuar automjetin nën ndikimin e alkoolit dhe pa patentë shoferi. Ngjarja ka ndodhur më 18 maj 2025, në orën 02:18 pas mesnate, kur policia e Resnjës ndaloi një automjet të tipit “Mercedes” me targa të Shkupit në fshatin Jankovec.

Gjatë kontrollit, u konstatua se shoferi, i identifikuar si D.K. (27), ishte nën ndikimin e alkoolit dhe nuk posedonte patentë shoferi.

Në njoftimin e Sektorit për Punë të Brendshme të Manastirit thuhet se personit i është konstatuar një nivel alkooli në gjak prej 2.38 promilë, duke paraqitur rrezik serioz për sigurinë e trafikut. Ai është ndaluar menjëherë dhe është dërguar në stacionin policor.

Ministria e Punëve të Brendshme njofton se pas dokumentimit të plotë të rastit, ndaj personit do të ngrihet kallëzim penal sipas nenit 297-a të Kodit Penal – “drejtim i pakujdesshëm i automjetit”.