Nesër në Shkup do të ketë regjim të veçantë trafiku për shkak të vizitës zyrtare të Presidentit të Republikës së Kroacisë, Zoran Milanoviç. Njësiti i Sigurisë Rrugore pranë SPB Shkup do të marrë masa të veçanta në rrugët e zonës qendrore të qytetit.

Masat e veçanta të trafikut do të zbatohen në zonën më të gjerë qendrore të Shkupit. Qarkullimi do të rregullohet nga policia, e cila do të jetë e pranishme në terren për të siguruar rrjedhën e sigurt të trafikut.

SPB Shkup u bën apel të gjithë qytetarëve që marrin pjesë në trafik të respektojnë urdhrat e zyrtarëve policorë.