Njësia e Sigurisë Rrugore në Shkup do të vendosë një regjim të posaçëm trafiku të dielën nga ora 08:30 deri në 10:30, për shkak të një gare rrugore 10 km. Trafiku do të ridrejtohet në rrugët përreth gjatë kësaj kohe.

Gara do të fillojë nga vendndodhja e Fontanës në Bulevardin “Ilinden”. Konkurrentët do të lëvizin përgjatë Bulevardit “Ilinden” deri në kryqëzimin me rrugën “Nikolla Parapunov”, pastaj në kryqëzimin me Bulevardin “Partizanski Odredi”.

Më pas, ata do të kthehen djathtas (në korsinë e djathtë drejt Gjorçe Petrov) deri te Ura e Vllajkos ku do të bëjnë një kthesë në formë U-je dhe do të kthehen përsëri përgjatë të njëjtës korsi deri në kryqëzimin me rrugën “Lubjanës” ku do të bëjnë një kthesë tjetër në formë U-je dhe do të kthehen përsëri përgjatë të njëjtës korsi prapa në rrugën “Nikolla Parapunov” dhe përgjatë Bulevardit “Ilinden” deri në vijën e finishit në vendndodhjen – Fontana në Bulevardin “Ilinden”.

Departamenti i Policisë së Shkupit u bën thirrje të gjithë qytetarëve që marrin pjesë në trafik të respektojnë urdhërat e dhëna nga oficerët e policisë në rrugët ku do të zhvillohet ngjarja.