Prokuroria Themelore Publike në Kumanovë po shqyrton raportin e autopsisë për pacientin e ndjerë Vedat Ademi, i cili iu dorëzua nga Instituti i Mjekësisë Ligjore. Pas shqyrtimit të gjetjeve në lidhje me prova të tjera, prokurori publik do të marrë një vendim.

32-vjeçari Vedat Ademi nga Kumanova ndërroi jetë më 17 mars në spitalin e Kumanovës. Sipas informacioneve, vdekja e Ademit erdhi papritur pas marrjes së terapisë në spital.

Familjarët e tij kanë ngritur akuza për gabim mjekësor si shkak të vdekjes. Ata pretendojnë se atij i është dhënë një ilaç ndaj të cilit ai ishte alergjik.