Një punonjëse e një shkolle të mesme në Qendër të Shkupit është sulmuar fizikisht nga katër nxënës të shkollës. Incidenti ka ndodhur të enjten, më 8 maj 2025, rreth orës 18:10, në korridorin e shkollës.

Sipas raportimeve të policisë, D.J., 53 vjeçe, nga Shkupi, ka raportuar sulmin në Stacionin Policor të Shkupit dje, në orën 09:05. Ajo ka deklaruar se është sulmuar nga katër nxënës të mitur.

Policia ka njoftuar se po ndërmerren masa për zbardhjen e plotë të rastit. Detaje të tjera rreth motivit të sulmit dhe identitetit të nxënësve ende nuk janë bërë publike.