Shkup, Maqedoni e Veriut – Presidentja e Maqedonisë së Veriut, Gordana Siljanovska-Davkova, e priti presidentin e Kroacisë, Zoran Milanović, me nderime të larta shtetërore dhe ushtarake gjatë vizitës së tij zyrtare në vend. Kjo vizitë thekson rëndësinë e marrëdhënieve bilaterale midis dy vendeve dhe angazhimin e tyre të përbashkët për bashkëpunim të mëtejshëm.

Gjatë takimeve të zhvilluara, presidentët patën një takim kokë më kokë, i cili u pasua nga një takim plenar i delegacioneve maqedonase dhe kroate. Fokusi kryesor i bisedimeve ishte forcimi i marrëdhënieve dypalëshe, procesi i integrimit evropian të Maqedonisë së Veriut, si dhe sfidat rajonale dhe rendi ndërkombëtar.

Presidentja Siljanovska-Davkova shprehu mirënjohje të thellë për mbështetjen e vazhdueshme dhe të fortë të Kroacisë për anëtarësimin e Maqedonisë së Veriut në Bashkimin Evropian. Ajo gjithashtu theksoi gatishmërinë për të zgjeruar dhe thelluar bashkëpunimin në fusha të ndryshme me interes të përbashkët për të dy vendet.

Të dy palët shprehën kënaqësi me bashkëpunimin konstruktiv në disa fusha dhe konfirmuan miqësinë e fortë të dëshmuar shpesh, bazuar në mirëkuptim, respekt dhe mbështetje reciproke. Duke u udhëhequr nga situata aktuale në kontinentin evropian, por edhe më gjerë, bashkëbiseduesit theksuan rëndësinë e një qasjeje të koordinuar rajonale për t’u marrë me sfidat e sigurisë, sipas kabinetit të presidentes.