Presidentja Gordana Siljanovska Davkova vendosi lule sot në kishën “Shën Spas” në Shkup, me rastin e 122-vjetorit të vdekjes së revolucionarit të madh maqedonas, Goce Dellçev. Ajo gjithashtu shprehu respekt për Dellçevin në profilin e saj në Facebook.

Sipas Siljanovska Davkovës, Goce Dellçev ka qenë dhe do të jetë pjesë e jona, e historisë, së tashmes dhe ardhmërisë sonë.

“Me respekt të thellë, me rastin e 122-vjetorit të vdekjes së Goce Dellçevit, vendosa lule të freskëta në shtëpinë e tij të përjetshme në oborrin e kishës ‘Shën Spas’. Dita e vdekjes së figurës më të shquar dhe më të ndritur të kauzës kombëtare revolucionare maqedonase, themeluesit të republikanizmit maqedonas, apostullit të VMRO-së, mësuesit Goce Dellçev, na kujton sakrificën që paraardhësit tanë bënë që populli maqedonas të jetojë në shtetin e vet, në mënyrë që të mund të konkurrojë kulturalisht me kombet e tjera. Nuk është rastësi që ai prehet këtu, në oborrin e kishës së bukur ‘Shën Spas’, në tokën maqedonase dhe nën qiellin maqedonas, por sipas vullnetit të tij që të varroset në një shtet të pavarur maqedonas. Goce Dellçev ka qenë dhe do të jetë pjesë e jona, e historisë, së tashmes dhe ardhmërisë sonë,” shkruan Presidentja Siljanovska Davkova.