Presidenti i Kroacisë, Zoran Milanoviç, sot po zhvillon një vizitë zyrtare në Maqedoninë e Veriut, ku është pritur nga Presidentja Gordana Siljanovska-Davkova.

Vizita filloi me një ceremoni zyrtare me nderime të larta shtetërore dhe ushtarake në ambientet e Presidencës.

Pas ceremonisë së pritjes, u zhvillua një takim kokë më kokë mes Presidentes Siljanovska-Davkova dhe Presidentit Milanoviç. Më pas, delegacionet e Maqedonisë së Veriut dhe Kroacisë zhvilluan një takim plenar.

Si pjesë e vizitës, Presidenti kroat do të vendosë një kurorë me lule në varrin e Goce Dellçevit në kishën “Shën Spas” në Shkup. Kjo vizitë zyrtare thekson lidhjet e ngushta mes dy vendeve dhe shërben si mundësi për diskutime të mëtejshme mbi çështje me interes të përbashkët.