Në 24 orët e fundit, në Republikën e Maqedonisë së Veriut janë regjistruar gjithsej 28 zjarre në ambiente të hapura, nga të cilat tre janë ende aktive. Sipas Qendrës për Menaxhimin e Krizave (QMK), pesë zjarre janë vënë nën kontroll, ndërsa njëzet janë shuar plotësisht.

Zjarret aktive ndodhen në rajonet malore pranë Nivicinës, si dhe në zonën midis disa fshatrave në rajonet e Prilepit dhe Kavadarcit. Në rajonin e Prilepit, ndërhyrja po pengohet nga shpërthimet pranë zjarrit, dhe për këtë arsye nuk po kryhet asnjë ndërhyrje në atë zonë.

Zjarret janë nën kontroll në komunat e Makedonski Brodit, Shtipit, Karbincit dhe Makedonska Kamenicës. Kryesisht janë prekur pyje të përziera ose me trung të ulët, si dhe zona të degraduara me bimësi të ulët.

Ekipet zjarrfikëse vazhdojnë të jenë të angazhuara në terren. Autoritetet apelojnë për kujdes dhe sjellje të përgjegjshme, veçanërisht në zonat ku ka një rrezik të shtuar të zjarreve të reja.