Gjatë 24 orëve të fundit, në Maqedoninë e Veriut janë regjistruar gjithsej 51 zjarre, nga të cilat 8 janë ende aktive. Sipas Qendrës për Menaxhimin e Krizave, situata mbetet serioze, me zjarrfikësit që po luftojnë me flakët në disa rajone të vendit.

Tetë zjarre janë ende aktive në rajonet e Vasilevës, Radovishit, Berovës, Prilepit, Kavadarcit, Makedonski Brod, Zelinës, Kriva Pallankës, Kërçovës dhe Makedonska Kamenicës. Zjarret po përhapen kryesisht nëpër pyje, bimësi të ulët dhe kullosa.

Shtatë zjarre janë vënë nën kontroll, duke përfshirë ato në Staro Nagoriçane, Kumanovë, Petrovec, Makedonski Brod, Shtip dhe Karbincë. Autoritetet po punojnë për të shuar plotësisht këto vatra.

36 zjarre janë shuar me sukses në Shuto Orizari, Araçinovo, Saraj, Zelenikovë, Bitolë, Prilep, Dolneni, Krivogashtani, Strumicë, Vasilevë, Gjevgjeli, Ohër, Strugë, Kërçovë, Makedonski Brod, Veles, Sveti Nikole, Probishtip, Kumanovë, Lipkovë, Brvenicë, Bogovinjë, Gostivar dhe Vrapçishtë.