Një 61-vjeçar nga Gostivari u arrestua dje pasi plagosi me thikë një 26-vjeçar nga Çegrani gjatë një mosmarrëveshjeje në trafik në Gostivar.

Sipas informacioneve nga policia, A.M.(61) u privua nga liria nga oficerët e policisë së Departamentit të Policisë së Gostivarit dje në orën 10:30 në rrugën “18 Nëntori” në Gostivar.

Incidenti ka ndodhur rreth orës 10:00 në rrugën “Pançe Poposki” në Gostivar. M.R.(26) nga fshati Çegran i Gostivarit u plagos me një mjet të mprehtë gjatë një sherri trafiku.

Policia ka njoftuar se A.M. po mbahet në stacionin policor. Pas dokumentimit të rastit, ndaj tij do të përgatitet një parashtresë adekuate.