Shkup – Në një kohë kur kapitali po shuan çdo shenjë rezistence, pagat po ngecin, çmimet po rriten dhe qeveria po shkurton gradualisht të drejtat e punëtorëve, partia politike Levica thekson rëndësinë e solidaritetit të punëtorëve.

Sipas Levica, 1 Maji është dita kur punëtori duhet të tregojë se zëri i tij nuk do të hesht kurrë.

Levica kritikon qeverinë e VMRO-DPMNE-ZNAM-VREDI, duke thënë se me premtimet e tyre të kota për të rivendosur “krenarinë”, i kanë lënë punëtorët të luftojnë për mbijetesën e tyre ekzistenciale, ndërsa dinjiteti i punës po humbet gradualisht.

Partia thekson se partitë e oligarkisë, të shkëputura nga realiteti, kanë treguar vazhdimisht qëndrimin e tyre ndaj interesave të kapitalit dhe kanë refuzuar zgjidhje reale për të përmirësuar të drejtat e punëtorëve.

Levica thekson se qeveria aktuale, në vetëm pak muaj në pushtet, ka sjellë rritje të varfërisë dhe padrejtësi të institucionalizuar që prek më të prekshmit në shoqëri.

Levica rikujton se ndërsa ajo ofroi zgjidhje ligjore për të përmirësuar të drejtat e punëtorëve – për kompensimin e shpenzimeve të udhëtimit, marrjen e pagës në kohë deri në datën 5 të muajit, shmangien e kamatave të panevojshme për pagesat e vonuara, lejen e lindjes për nënat 18 muaj, qeveria e VMRO-DPMNE-ZNAM-VREDI u rreshtua qartë me kapitalin dhe refuzoi të gjitha propozimet që do të thoshte rivendosje e dinjitetit për punëtorin, si dhe u përjashtuan nga marrëveshja trepalëshe me kapitalistët.

Prandaj, Levica thekson se 1 Maji është ditë rezistence dhe për një “jo” të fortë dhe të organizuar ndaj sistemit kapitalist që shkel jetët e tyre.

Levica, si partia e vetme që lufton për një status më të mirë për punëtorin, mbështet protestën e LSM (Lidhja e Sindikatave të Maqedonisë) për 1 Majin dhe u bën thirrje të gjithë punëtorëve për unitet dhe këmbëngulje në luftën për të drejtat e tyre.