Shkup, 17 Qershor – Dita e sotme do të karakterizohet nga mot i ngrohtë dhe me diell në të gjithë vendin, por pasditja sjell potencial për rreshje shiu dhe bubullima lokale, veçanërisht në veri. Shërbimi Hidrometeorologjik (UHMR) paralajmëron për ndryshim të ndjeshëm të motit duke filluar nga nesër.

Temperaturat minimale do të luhaten nga 14 deri në 23 gradë Celsius, ndërsa maksimalet do të arrijnë nga 32 deri në 39 gradë Celsius. Në perëndim, do të fryjë erë e fortë nga jugperëndimi, e cila gradualisht do të kthehet në veri drejt fundit të ditës.

Në Shkup, dita do të jetë e ngjashme me mot me diell dhe të ngrohtë, me zhvillim të vranësirave të paqëndrueshme pasdite. Ka mundësi për shi afatshkurtër dhe bubullima të rralla në disa pjesë të luginës. Temperatura minimale do të jetë 22 gradë Celsius, ndërsa maksimalja do të arrijë 38 gradë Celsius.

Nga nesër pritet mot i ndryshueshëm me vranësira dhe freskët, shoqëruar me reshje të kohëpaskohshme lokale, vende-vende të vrullshme dhe me bubullima, sidomos të martën. UHMR thekson se temperatura ditore do të shënojë rënie dhe deri në mes të javës së ardhshme pritet të ulet me 8 deri në 10 gradë Celsius krahasuar me sot.