Në Maqedoninë e Veriut, sot do të mbajë mot me diell me vranësira të lehta deri në mesatare. Do të fryjë erë e lehtë deri në mesatare, kryesisht nga drejtimi i veriut.

Temperaturat do të lëvizin nga 2 deri në 9 gradë Celsius, ndërsa maksimalja do të arrijë nga 16 deri në 24 gradë Celsius, njofton UHMR.

Në Shkup, do të mbajë mot me diell me vranësira të lehta deri në mesatare dhe erë të lehtë deri në mesatare nga drejtimi i veriut. Temperatura minimale do të ulet në 7 gradë Celsius, ndërsa maksimalja do të arrijë në 24 gradë Celsius.

Megjithatë, moti do të ndryshojë nga dita e enjte. Nga fundi i ditës, gjatë natës dhe ditën e premte, nën ndikimin e një vale të lagësht, do të ketë reshje shiu, të cilat lokalisht do të jenë më të dendura.

Gjatë ditëve të fundjavës, do të mbajë mot i ndryshueshëm me vranësira dhe reshje lokale shiu. Temperaturat do të jenë nën mesataren për këtë periudhë të vitit.