Në mbarë vendin, dita e sotme do të jetë me diell dhe shumë e ngrohtë, shoqëruar me vranësira të lehta deri në mesatare. Do të fryjë një erë e lehtë deri në mesatare nga veriu. Temperaturat minimale do të variojnë nga 5 deri në 12 gradë Celsius, ndërsa maksimalet do të arrijnë nga 18 deri në 30 gradë Celsius.

Në Shkup, dita do të jetë gjithashtu me diell dhe shumë e ngrohtë, me vranësira të lehta deri në mesatare. Temperatura minimale do të ulet në 9 gradë Celsius, ndërsa ajo maksimale do të arrijë në 30 gradë Celsius.

Sipas njoftimeve nga Shërbimi Hidrometeorologjik (SHM), edhe dita e nesërme do të jetë me diell dhe shumë e ngrohtë, me vranësira të lehta deri në mesatare.

Nga e hëna pasdite do të ketë kushte për jostabilitet të izoluar, ndërsa nga e marta do të vijojë një periudhë me mot të ndryshueshëm të vranët dhe të paqëndrueshëm, me reshje të rrëmbyeshme lokale, bubullima dhe erë të fortë.