Sonte dhe në orët e para të mëngjesit priten reshje shiu dhe bubullima në disa zona të vendit. Sipas parashikimit nga HMSA, moti do të jetë i ndryshueshëm me vranësira dhe më i freskët nesër.

Gjatë mëngjesit të nesërm, priten reshje shiu të kohëpaskohshme, bubullima dhe kushte për stuhi të shkurtra. Do të fryjë erë e dobët deri mesatare, ndërsa në disa vende përgjatë rajonit të Vardarit (Povaradarie) herë pas here erë e fortë nga veriperëndimi.

Temperaturat minimale do të variojnë nga 13 deri në 22 gradë Celsius, ndërsa maksimalet do të arrijnë nga 27 deri në 35 gradë Celsius.

Në Shkup, moti do të jetë i ndryshueshëm me vranësira, me reshje të herëpashershme të rrëmbyeshme shiu dhe kushte për bubullima të rralla në orët e para të mëngjesit dhe në fund të mëngjesit. Do të fryjë erë e dobët deri mesatare, ndërsa pasdite në disa pjesë të luginës herë pas here erë e fortë nga veriu. Temperatura minimale do të zbresë në 19 gradë Celsius, ndërsa maksimalja do të arrijë në 33 gradë Celsius.

Deri në fund të ditës së sotme, moti do të jetë me diell me vranësira të lehta deri mesatare lokale. Do të fryjë erë e dobët deri mesatare, perëndimore në pjesët perëndimore dhe veriore përgjatë rajonit të Vardarit (Povaradarie), e cila herë pas here do të intensifikohet në disa vende. Nga fundi i ditës, vranësirat do të shtohen në pjesët veriperëndimore, dhe gjatë natës dhe në orët e para të mëngjesit do të ketë shi lokal, herë pas here të rrëmbyeshëm me bubullima dhe kushte për stuhi të shkurtër.