Ministria e Bujqësisë njoftoi se janë paguar 292,614,813 denarë (rreth 4.7 milionë euro) për 4,574 prodhues të qumështit. Këto pagesa janë bërë për qumështin e lopës, deles dhe dhisë të prodhuar dhe dorëzuar gjatë periudhës korrik-dhjetor 2024, sipas Programit për Mbështetje Financiare në Bujqësi për vitin 2024.

Subvencionet janë 5 denarë për litër për qumështin e lopës dhe 6 denarë për litër për qumështin e deles dhe dhisë.

Ministria e Bujqësisë, Pylltarisë dhe Ekonomisë së Ujërave deklaroi se me këtë pagesë, subvencionet për qumështin e prodhuar dhe dorëzuar për vitin 2024 janë shlyer plotësisht.