Një personazh maqedonas do të shfaqet në episodin e ri të serialit të animuar të njohur “The Simpsons”, duke sjellë një ekip nga vendi në qytetin e Springfield. Episodi do të transmetohet premierë në SHBA të dielën, më 27 prill, në orën 20:00 (02:00 të hënën në mëngjes sipas orës së Maqedonisë) në televizionin amerikan “Fox”.

Krijuesit e serialit kanë vendosur të prezantojnë një sportist që vjen në Springfield si një sensacion i madh nga Maqedonia.

Në këtë episod janë përfshirë motrat Nevena dhe Kalina Neshkoska dhe vëllai i tyre Naum, të cilët së bashku drejtojnë kanalin edukativ, Darko Biberko.

Nevena Neshkoska shkroi në Facebook: “Ne morëm pjesë në përkthimin, unë personalisht kisha një rol këshillues, dhe të tre kënduam një këngë që e përkthyem nga anglishtja në maqedonisht. Falë kompozitores Kara Talve, e cila e bëri të mundur këtë bashkëpunim.”