Një i mitur dyshohet se ka kryer sulm seksual ndaj një 14-vjeçari në zonën e Karposhit në Shkup, sipas raportimeve të Ministrisë së Brendshme.

Ngjarja, sipas policisë, ka ndodhur më 12 maj 2024. Babai i viktimës, një 45-vjeçar nga Shkupi, e ka raportuar incidentin në Stacionin Policor të Shkupit dje, në orën 20:00.

Sipas deklaratës së babait, i mituri ka përdorur kërcënime dhe forcë për të kryer sulmin seksual ndaj djalit të tij.

Aktualisht, autoritetet policore janë duke ndërmarrë masa për zbardhjen e plotë të këtij rasti të rëndë. Detaje të tjera nuk janë bërë publike deri tani, për shkak të natyrës delikate të hetimit dhe mbrojtjes së viktimës.