Një grua 43-vjeçare nga Koçani ka raportuar në polici se një i mitur nga qyteti i saj ka shpërndarë video me përmbajtje eksplicite të vajzës së saj të mitur në rrjetet sociale dhe aplikacione të tjera.

Sipas raportimit të policisë, ngjarja ka ndodhur më 8 maj 2025, por nëna e vajzës e ka denoncuar rastin në Stacionin Policor të Koçanit vetëm dje, në orën 23:00.

Policia ka nisur hetimet për zbardhjen e plotë të rastit. Për momentin, nuk ka detaje të tjera rreth identitetit të të miturit që dyshohet se ka shpërndarë videot, apo rreth motiveve të tij.

Autoritetet po punojnë për të përcaktuar shkallën e përhapjes së videove dhe për të marrë masa ligjore ndaj personit përgjegjës. Shpërndarja e materialeve me përmbajtje eksplicite të të miturve është një krim i rëndë dhe dënohet me ligj.