Prokuroria Themelore Publike Shkup ka ngritur aktakuzë kundër një 44-vjeçari nga Shkupi për veprën penale “Përndjekje”. Sipas Kodit Penal, i pandehuri akuzohet se ka përndjekur ish-gruan e tij gjatë periudhës korrik-tetor 2023.

I pandehuri, në mënyrë të përsëritur dhe pa autorizim, ka ndjekur ish-bashkëshorten e tij, duke u përpjekur të vendosë kontakt të padëshiruar me të.

Gjithashtu, ai e ka telefonuar vazhdimisht, i ka dërguar mesazhe, ka lëvizur rreth ndërtesës ku jetonte viktima dhe e ka ndjekur në punë.

Në telefonata dhe mesazhe, i pandehuri e ka kërcënuar dhe fyer viktimën, duke e ngacmuar mendërisht dhe frikësuar, duke shkaktuar te ajo ndjenjën e pasigurisë, kërcënimit dhe frikës për sigurinë e saj personale.