Një burrë 43-vjeçar nga fshati Prosenikovë i Strumicës është arrestuar pasi ka hyrë me forcë në një depo pyjore dhe ka dëmtuar një automjet. Z.H. u arrestua nga policia e Strumicës mbrëmjen e djeshme në orën 20:20.

Sipas policisë, incidenti ndodhi rreth orës 17:00, kur ai hyri me traktor në depon e Ndërmarrjes Publike “Pyjet Kombëtare”, dega Belasica – Strumicë. Automjeti i dëmtuar ishte sekuestruar më parë dhe i parkuar në depo.

Z.H. është ndaluar në Stacionin Policor të Strumicës, dhe një prokuror publik nga Prokuroria Themelore Publike Strumicë është njoftuar për incidentin. Policia ka njoftuar se pas dokumentimit të plotë të rastit, do të ngrihet kallëzim penal ndaj Z.H.