Një granatë dore e vjetër dhe e ndryshkur u gjet në oborrin e një banori në Shkup, duke alarmuar autoritetet lokale.

Një banor i Shkupit me iniciale A.S.(47), që banon në rrugën “Metodija Andonov Çento”, raportoi në polici se kishte gjetur një mjet shpërthyes në oborrin e tij.

Njësitë policore nga Stacioni Policor Gazi Baba mbërritën menjëherë në vendin e ngjarjes dhe konfirmuan se objekti i gjetur ishte një granatë dore e vjetër, e cila ishte dëmtuar nga ndryshku.

Për shkak të rrezikshmërisë së mundshme, në vendngjarje u njoftua edhe Njësiti për Zbulimin dhe Asgjësimin e Mjeteve Shpërthyese i Ministrisë së Punëve të Brendshme, të cilët do të marrin përsipër trajtimin e mëtejshëm të granatës.