Një 50-vjeçar nga Ohri është dërguar në paraburgim me akuzën për përdhunim të një fëmije nën moshën 15 vjeç.

Sipas njoftimit të SVR Ohër, kundër S.T., 50 vjeç, nga Ohri, është ngritur kallëzim penal për shkak të dyshimit të bazuar se ka kryer veprën penale të “përdhunimit të një fëmije që nuk ka mbushur 15 vjeç”.

Gjatë vitit 2024, i pandehuri dyshohet se ka abuzuar seksualisht në mënyrë të përsëritur me një minorene nga Ohri. Si pasojë e këtij abuzimi, e mitura lindi një fëmijë në mars të vitit 2025.

Gjykata ka vendosur masën e arrestit prej 30 ditësh për të pandehurin. Rasti po hetohet më tej nga autoritetet kompetente.