Një 31-vjeçar nga Shkupi ka humbur jetën si pasojë e plagëve të marra në një shkëmbim zjarri që ndodhi pasditen e sotme në Bit Pazar.

Ministria e Punëve të Brendshme njoftoi se A.S., 31 vjeç, ka ndërruar jetë pasi u dërgua në Qendrën Emergjente në Kompleksin e Klinikave “Nënë Tereza”.

Policia ka mbërritur në vendin e ngjarjes pas raportimeve për të shtëna dhe ka konstatuar se bëhej fjalë për një përleshje mes dy grupeve prej pesë deri në gjashtë personash.

Detaje të tjera rreth shkakut të përleshjes dhe identitetit të personave të përfshirë ende nuk janë bërë publike, ndërsa autoritetet po punojnë për zbardhjen e plotë të ngjarjes.