Zëvendëskryeministri dhe Ministri i Transportit, Aleksandar Nikoloski, zhvilloi sot një takim pune me Ambasadorin e Italisë, Paolo Palminteri, ku u diskutua për forcimin e bashkëpunimit ekonomik dhe mbështetjen e projekteve infrastrukturore.

Gjatë takimit, Nikoloski prezantoi programin e zhvillimit të Qeverisë dhe investimet në infrastrukturë, duke theksuar rëndësinë e bashkëpunimit të ndërsjellë. U trajtuan gjithashtu çështje aktuale politike dhe ekonomike në vend dhe rajon.

Nikoloski konfirmoi marrëdhëniet e mira me Italinë dhe theksoi nevojën për të përmirësuar marrëdhëniet dypalëshe, me theks të veçantë në bashkëpunimin ekonomik. Ai gjithashtu informoi ambasadorin për procesin e reformave të vendit si pjesë e integrimeve dhe anëtarësimit në Bashkimin Evropian.

Ai shprehu mirënjohjen për bashkëpunimin dhe mbështetjen e ofruar nga Italia, dhe të dy bashkëbiseduesit u pajtuan për të intensifikuar bashkëpunimin midis dy vendeve.