Ndeshja e javës së 28-të në Ligën e Parë të Futbollit të Maqedonisë, mes Voskës dhe Vardarit, nuk arriti në fund. Ekipi vendas u largua nga fusha në minutën e 75-të, i revoltuar nga vendimi i gjyqtarit për të lejuar golin e Duranskit në minutën e 71-të.

Voska Sport ka shprehur revoltën e saj, duke njoftuar Federatën e Futbollit të Maqedonisë (FFM) për vendimet e kontestueshme të arbitrit. Klubi thekson se nga minuta e parë e ndeshjes, lojtarët e tyre nuk ishin në kushte të barabarta me kundërshtarët për shkak të një sërë vendimesh të padrejta të arbitrit.

Sipas Voskës, gjyqtarët vazhdimisht kanë marrë vendime të dyshimta, duke çuar jo vetëm në lojë të pandershme, por edhe në një sërë paralajmërimesh dhe ndëshkimesh të pabaza kundër lojtarëve të tyre. Si pasojë e këtyre padrejtësive, në minutën e 76-të, ekipi u detyrua të tërhiqet nga loja.

Voska Sport i kërkon FFM-së të rishikojë vendimet e kontestueshme të arbitrave dhe të marrë masa për të parandaluar situata të tilla në të ardhmen. Ata shpresojnë në një hetim të detajuar të vendimeve të arbitrave dhe në sigurimin e lojës së drejtë dhe të barabartë për të gjitha ekipet.

Është e qartë se Vardar do ta fitojë ndeshjen me rezultat zyrtar 3:0. Përveç humbjes, Voska do të përballet edhe me sanksione të tjera për shkak të braktisjes së fushës.