Në të gjithë vendin, sot pritet mot i kthjellët dhe më i freskët, me diell gjatë ditës dhe vranësira të lehta deri mesatare lokale. Sipas informacioneve nga UHMR, do të fryjë erë e dobët deri mesatare nga verilindja.

Temperaturat minimale do të lëvizin nga 0 deri në 8 gradë Celsius, ndërsa maksimalet do të arrijnë nga 18 deri në 25 gradë Celsius.

Në Shkup, dita do të jetë me diell dhe me erë të dobët deri mesatare nga verilindja. Temperatura minimale do të ulet në 6 gradë, ndërsa maksimalja do të arrijë në 25 gradë Celsius.

Pas kësaj periudhe, pritet mot me diell dhe më i ngrohtë, me vranësira të lehta deri mesatare dhe erë të moderuar nga veriu. Sot dhe të mërkurën, temperaturat e mëngjesit do të jenë më të ulëta, ndërsa temperaturat ditore do të jenë në rritje graduale.