Ministria e Brendshme u bën thirrje qytetarëve dhe subjekteve ligjore të jenë të kujdesshëm ndaj ftesave mashtruese që qarkullojnë në emër të saj dhe EUROPOL-it, duke i paralajmëruar të mos bien pre e këtyre skemave. Sipas njoftimit, disa qytetarë kanë marrë ftesa të rreme nga persona që prezantohen si përfaqësues të Ministrisë së Brendshme dhe EUROPOL-it, në lidhje me një hetim të supozuar.

Ministria e Brendshme thekson se Sektori për Krimet Kompjuterike po ndërmerr masat e duhura për të ndëshkuar ligjërisht autorët e këtyre mashtrimeve.

Sektori për Krimet Kompjuterike i bën apel qytetarëve dhe subjekteve ligjore që të mos hapin dokumente të bashkangjitura mesazheve që nuk vijnë nga dërgues të verifikuar dhe të njohur. Për subjektet ligjore, rekomandohet të marrin masa të duhura për të mbrojtur sistemet e tyre kompjuterike nga softuerët potencialisht të dëmshëm, në përputhje me procedurat e tyre të brendshme të sigurisë kibernetike.