Ministri i Punëve të Jashtme dhe Tregtisë së Jashtme, Timço Mutsunski, do të presë nesër, më 16 maj, Ministrin e Punëve të Jashtme të Republikës së Austrisë, Beate Meinl-Reisinger. Sipas Ministrisë së Punëve të Jashtme, vizita e Ministres Meinl-Reisinger është e para në vendin tonë që nga marrja e detyrës si Ministre për Çështjet Evropiane dhe Ndërkombëtare e Republikës së Austrisë më 3 mars 2025.

Ministria e Punëve të Jashtme njoftoi se në fokus të bisedimeve do të jetë promovimi i marrëdhënieve dypalëshe dhe rikonfirmimi i mbështetjes austriake për integrimin e Maqedonisë në Bashkimin Evropian. Gjithashtu, palët do të shkëmbejnë mendime mbi çështje kyçe rajonale, evropiane dhe globale.