Familjet e viktimave të zjarrit tragjik në diskotekën “Puls” në Koçan kanë njoftuar një marsh protestues që do të mbahet sot në orën 12:05. Qëllimi i protestës është kërkimi i drejtësisë për ata që humbën jetën në këtë ngjarje të rëndë.

Marshi protestues do të nisë nga Parku i Qytetit në Koçan dhe do të vazhdojë drejt ndërtesës së Komunës dhe Ministrisë së Brendshme. Ky është protesta e tretë e organizuar nga familjet e viktimave pas asaj të fundit të mbajtur më 12 prill.

Në zjarrin e tmerrshëm që shpërtheu në diskotekën “Puls” më 16 mars, humbën jetën 62 persona, tre prej të cilëve vdiqën gjatë trajtimit jashtë vendit, ndërsa 193 u plagosën. Mes viktimave dhe të plagosurve ishin edhe anëtarë të grupit muzikor “DNK”, të cilët po performonin atë mbrëmje.

Hetimet për këtë rast janë të gjera dhe përfshijnë mbi 60 individë dhe tre entitete ligjore. Familjet e viktimave shpresojnë që ky marsh protestues do të rrisë ndërgjegjësimin dhe do të nxisë autoritetet për të zbardhur të vërtetën dhe për të ndëshkuar përgjegjësit.